Іс-шара барысында оқушылар қазақ поэзиясының көрнекті өкілі Мұқағали Мақатаевтың жүрекке жақын жырларын мәнерлеп оқып, ақын шығармашылығына деген құрметтерін білдірді. Қатысушылар өлең мазмұнын терең түсініп, дауыс ырғағы мен сахналық мәдениетті үйлестіре отырып, өз өнерлерін көрсетті.

       Сынып сағаттарында ақынның өмір жолы мен шығармашылығы таныстырылып, оның поэзиясындағы өмірге құштарлық, адамгершілік, туған жерге сүйіспеншілік тақырыптары кеңінен талқыланды.

       Шара оқушылардың шығармашылық қабілеттерін шыңдап, әдебиетке деген қызығушылығын арттырды. Мұндай тәрбиелік мәні зор іс-шаралар жас ұрпақтың рухани дамуына үлкен үлес қосады.

       Мектебімізде қазақ поэзиясының көрнекті өкілі Мұқағали Мақатаевтың туған күніне орай “Мұқағали – мәңгілік ғұмыр” тақырыбында сынып сағаттары ұйымдастырылды. Іс-шараның мақсаты – оқушыларға ақынның өмірі мен шығармашылығын таныстыру, оның өлеңдері арқылы рухани-адамгершілік құндылықтарды насихаттау.

       Сынып сағаттары барысында ақынның өмір жолы, әдебиетке қосқан үлесі кеңінен айтылып, оқушылар оның лирикалық жырларын мәнерлеп оқыды. Сонымен қатар ақын поэзиясындағы Отанға деген сүйіспеншілік, өмірге құштарлық, адамгершілік пен адалдық тақырыптары талқыланды.

       Шара барысында оқушылар өз ой-пікірлерімен бөлісіп, шығармашылық тапсырмалар орындады. Бұл тәрбие сағаттары жас ұрпақтың әдебиетке қызығушылығын арттырып, ұлттық құндылықтарды құрметтеуге тәрбиеледі.

       Мұқағали мұрасы – мәңгілік, ал оның жырлары ұрпақ санасында өмір сүре бермек.

Мектепте Наурыз мейрамы кең көлемде, мазмұнды әрі әсерлі түрде аталып өтті. Бұл мереке – тек көктемнің келуін ғана емес, сонымен қатар адамдар арасындағы татулықты, жаңаруды, ізгілікті және берекені білдіретін ерекше күн. Мерекеге орай мектеп алдын ала дайындалып, ғимарат іші мен ауласы ұлттық нақыштағы әшекейлермен безендірілді. Қазақтың ою-өрнектерімен көмкерілген көрнекіліктер, киіз үй үлгісіндегі бұрыштар ұйымдастырылып, мерекелік көңіл күй қалыптастырылды. Оқушылар мен ұстаздар ұлттық киімдер киіп, салтанатты жиынның сәнін кіргізді.

Іс-шара барысында мектеп оқушылары белсенділік танытып, концерттік бағдарлама ұсынды. Әсем әндер орындалып, мың бұралған билер биленді. Сонымен қатар, оқушылар қазақ халқының салт-дәстүрлерінен көріністер қойып, олардың тәрбиелік мәнін көрермендерге жеткізді. Атап айтқанда, тұсаукесер, беташар сияқты дәстүрлер сахналанып, ұлттық құндылықтар кеңінен насихатталды.

Мереке аясында ұлттық ойындар да ұйымдастырылды. Оқушылар арқан тарту, асық ату сияқты ойындарға қатысып, ептілік пен жылдамдықтарын көрсетті. Бұл ойындар балалардың қызығушылығын арттырып қана қоймай, олардың бір-бірімен достық қарым-қатынас орнатуына ықпал етті.

Сонымен қатар, мерекелік дастархан жайылып, ұлттық тағамдар ұсынылды. Қонақтарға Наурыз көже беріліп, оның құрамына кіретін жеті түрлі дәмнің мәні түсіндірілді. Бұл тағам молшылық пен ырыстың символы ретінде ерекше құрметке ие.

Іс-шара соңында мектеп әкімшілігі мен мұғалімдер мерекенің маңыздылығына тоқталып, оқушыларды бірлікке, достыққа, үлкенді құрметтеп, кішіге қамқор болуға шақырды. Осындай тәрбиелік мәні зор шаралар оқушылардың ұлттық сана-сезімін қалыптастырып, өз халқының мәдениеті мен дәстүріне деген құрметін арттырады.

Қорыта айтқанда, мектепте өткен Наурыз мейрамы жоғары деңгейде ұйымдастырылып, қатысушыларға көтеріңкі көңіл күй сыйлады. Бұл мереке барша қауымды жақсылыққа, жаңаруға және ізгі ниетке бастайтын маңызды рухани құндылық екенін тағы бір мәрте дәлелдеді.

1. «Ұлы дала қырандары» мектеп дебат клубын құру;
2. Ерікті «Ұлы дала қырандары» мектеп дебат клубының жұмыс жоспарын бекіттіру;
3. «Ұлы дала қырандары» мектеп дебат клубының жетекшілерін  сайлау;
4. «Ұлы дала қырандары» мектеп дебат клубының қатарына өз еркімен кіруге ниет білдірген үміткерлерді қарастыру.

Тыңдалды.

Дебат клубы – оқушылардың сыни ойлау қабілетін, шешендік өнерін, логикалық талдау дағдысын және топпен жұмыс істеу мәдениетін дамытуға бағытталған мектептегі үйірме. Клуб жұмысы барысында оқушылар әртүрлі тақырыптарды зерттеп, өз пікірін дәлелді түрде жеткізуге, қарсы тараптың уәжіне жауап беруге және мәдениетті пікірталас жүргізуге үйренеді. Дебат клубы оқушылардың көшбасшылық, коммуникациялық және шығармашылық қабілеттерін дамытуға мүмкіндік береді. «Ұлы дала қырандары» ұйымының алғашқы отырысы қыркүйек айында өтті.

       Бірінші мәселе бойынша педагог ұйымдастырушы  Темирбек М.Қ. «Ұлы дала қырандары» ұйымының жұмысы туралы мақсаттары, міндеттерімен, ережесімен және 2025-2026 оқу жылы бойынша жылдық жоспары таныстырылып ұсынылды.

       Екінші мәселе  бойынша педагог ұйымдастырушы сөз алып, Ерікті «Ұлы дала қырандары» мектеп дебат клубының жұмыс жоспарын бекіттірді.

       Үшінші мәселеде дебат клубының құрылуы:Құрылу кезеңінде клубтың ережелері жасалып, бағыттары анықталды, жетекші тағайындалды және тұрақты кездесулер жоспары белгіленді. Дебат клубы бүгінгі таңда мектептегі белсенді шығармашылық орталықтардың біріне айналып отыр. Ұйым мүшелерін бекіту туралы айтты.  Ұйым төрайымдары болып: қазақ сыныптарынан дебат клубының жетекшісі С.О. Есжанова және орыс сыныбының жетекшісі А.С.Кенбаева  бекітілді.

       Төртінші мәселеде «Ұлы дала қырандары» мектеп дебат клубының қатарына өз еркімен кіруге ниет білдірген үміткерлер Әли Айбек, Дүйсенбек Дәулет,  Жолжақсын Жорабек,  Жақсылық Аяжан,  Көптілеу Ақбота, Сайрамбекқызы Дәмелі, Тұрсынғалиұлы Дамир 9-10 сынып оқушыларын бекітуге ұсынылды. Мектептегі дебат клубы оқушылардың сыни ойлауын, шешендік өнерін және көшбасшылық қабілеттерін дамыту мақсатында құрылды. Клуб өз жұмысын оқушылардың қызығушылығына негізделе отырып бастады. Алғашқы мүшелері дебат мәдениетін қалыптастыруды, мектеп ішінде пікірталас форматтарын дамытуды және жарыстарға қатысуды мақсат етті. 

 Қаулы қабылданды:

1.  Ерікті «Ұлы дала қырандары» мектеп дебат клубының жұмыс жоспары

бекітілсін.

2. «Ұлы дала қырандары» мектеп дебат клубының ұйымының ұйым басшысы мен  мүшелерін бекіту

Кездесудің мақсаты — жасөспірімдер арасындағы құқық бұзушылықтың алдын алу, оқушыларға қауіпсіздік ережелерін түсіндіру және құқықтық сауаттылығын арттыру болды.

         Кездесу барысында көтерілген негізгі тақырыптар:

Құқық бұзушылықтың алдын алу: Нұржан Нұрбекұлы жасөспірімдер арасында жиі кездесетін құқық бұзушылық түрлеріне тоқталып, олардың салдары туралы түсіндірді.

Киберқауіпсіздік: Интернет желісіндегі қауіптер, әлеуметтік желілердегі алаяқтық пен кибербуллинг мәселелері талқыланды.

Жол жүру ережелері: Оқушыларға жолдағы қауіпсіздікті сақтаудың маңыздылығы мен қарапайым ережелері еске салынды.

Кездесу өзара сұрақ-жауап форматында өтіп, оқушылар тарапынан белсенділік танытылды. Нұржан Нұрбекұлы оқушылардың барлық сұрақтарына толыққанды жауап беріп, осындай кездесулердің маңыздылығын атап өтті.

Бұл кездесу оқушылардың құқықтық сауаттылығын арттыруға және қауіпсіз мінез-құлық қалыптастыруға зор ықпал етті. Талғар қаласының полиция басқармасы жасөспірімдер арасындағы қылмыстың алдын алу мақсатында мектеп оқушыларына арнап жедел іс-шаралар өткізді. Іс-шара «Осторожно, дети!» және «Наркотики» тақырыптарына арналды.